Kesên di erdheja Wanê da miribûn hatin bibîranîn

Kesên di erdheja bi lerza 7,2yê ya di 23yê cotmeha 2011an da li Wanê çêbibû da miribûn li Erdîşê hatin bibîranîn.

Nurî Mehmetbeyogluyê Qaymeqam û Wekîlê Şaredar, amirên saziyan di salvegera 10an ya erdhejê da li Goristana Seyîd Mihemed a li Taxa Beyazidê hatin ba hev û gul danîn ser merzelan.

Abdullah Borayê Miftiyê Navçeyê Quran xwend û ji bo miriyan dia kir.

Şaxa Erdîşê ya Hîva Sor a Tirkiyeyê jî li pêşiya Qaymeqamtiyê pêşengeha wêneyan vekir û şorbe li welatiyan belav kir.

Bernameya bibîranînê piştî mewlûda li Mizgefta Qere Usiv Paşa hat xwendin bi dawî bû, Mîralay Murat Kandurê Fermandarê Garnîzonê, Suat Arslanê Serdozgerê Komarê yê Erdîşê, amirên saziyan û welatî beşdarî mewlûdê bûn.