Li Diyarbekirê ji ber ku germa hewayê li gor demsalê zêde ye kesên heywanan xwedî dikin hê jî heywanên xwe li derva diçêrînin.

Her sal di mehên çileya pêşîn û paşîn da ji ber hewaya sar heywan di kom û tewleyan da dihatin xwedîkirin, lê îsal ji ber ku germa hewayê li gor demsalê zêde ye, baran kêm dibare heywan hê jî li mêrgan diçêrin.

- "50 roj e pezê me li mêrgê ye"

Fikrî Sertkayayê li Guroluka taxa Bismîlê dijî û pez xwedî dike got her sal di vê demsalê da heywan di goman da dihatin xwedîkirin, lê îsal heywan hê jî li mêrgan diçêrin.

Sertkaya wiha axivî: "Ji ber ku demsal xweş e 50 roj e pezê me li mêrgê ye. Ji ber ku hewa germ e berxên nûbûyî dinyayê jî baş mezin dibin û nexweş nakevin. Lê ji bo ku zîwahî çênebe em bendê ne ku baran bibare."

- "Em dixwazin berf û baran bibare"

Fethî Goksu jî anî ziman ji ber ku hewa germ e sibê heta êvarê ew pezên xwe li mêrgê diçêrîne û wiha axivî: "Feydeya vê hewaya biharê ji me ra heye. Lê dîsa jî em dixwazin berf û baran bibare. Heke zîwahî çêbibe wê zirarê bide."

- "Em dia dikin baran bibare"

Serokê Yekîtiya Kesên Pez û Bizinan Xwedî Dikin ê Diyarbekirê Abdullah Çetînkaya jî gor hewa germe û ji ber ku kêm baran dibare ew xemgîn in.

Çetînkaya wiha axivî: "Rewşa niha wek ku ji bo xwediyê heywanan baş xuya bike jî em dia dikin baran bibare. Heke baran nebare zîwahî wê çêbibe, bihayê êm û kayê wê pir zêde bibe. Evê jî bibe sedem ku mesrefa wan zêde be."