Cil û bergên xwe 60 sal in ji qumaşê şal û şepikê dide dirûtin

Fayîk Tutalê 75 salî yê ku li mezraya Berkevirê ya li ser gundê Karşiyakayê ya Perwariya navçeya Sêrtê dijî, ji 15 saliya xwe vir va di cil û bergên xwe da qumaşê şal û şapikê bi kar tîne.

Eleqeya Fayîq Tutal a li ser qumaşê şal û şapikê ku bi destan hatiye çêkirin, di 15 saliya wî da dest pê kiriye.

Hê wê demê bavê Tutal ji wî ra li Cizîra navçeya Şirnexê ji qumaşê şal û şapikê cil û berg daye dirûtin.

Qumaşê şal û şapikê ji ber ku havînê hênik û zivistanê jî germ e dikare çar demsal bê lixwekirin.

Tutal 60 sal in cil û bergên ku reng û modelên wan cuda ne li xwe dike.

Di dolaba wî da 8 cure cil û bergên cuda yên bi rengê tûtik, şîn û gevez û her wiha tizbî, qravêt û kemberên reng bi reng jî hene.

Li herêmê ji ber cil û bergên wî eleqeyeke taybet ji bo Tutal tê nîşandan, di dawet û govendan da jî ew navekî girîng e.

Fayîk Tutal ji nûçegihanê AAyê ra daxuyand ku ew bi çandinî û heywandariyê ra mijûl dibe û ew ji cil û bergên rengîn hez dike.

Tutal diyar kir ku xort çav didinê û cil û bergên wekî yên wî li xwe dikin û wiha dewam kir: "Xort gelekî ji min hez dikin. Dema ku diçim dawetekê xort li dora min dicivin. Ez di dawetê da kêfa her kesî tînim, rûyê wan geş dikim. Ez herim kîjan civatê, kêfa wê civatê xweş dibe. Rîspiyê gund û mezrayê ez im. Ji ber wê yekê her kes qedrê min digire û guh dide min. Ez jî dilê kesî ji xwe nahêlim."

Tutal diyar kir ku ji bo rojên cuda cil û bergên wî yên taybet hene, seba dawet, eyd, şîn û merasimên lihevhatinê cil û bergê wî yên cuda cuda hene.

Tutal destnîşan kir ku ew piraniya aksesuarên xwe ji ser înternetê an jî ji Stenbolê peyda dike û daxuyand ku ew xwe wekî xortekî 20 salî hîs dike.

Saît Tutalê kurê Fayîk Tutal jî destnîşan kir ku bavê wî xwediyê kesayetiyeke pir rengîn e û biçe ku derê li gor merivên wê derê radibe û rûdinê.