Haydar Şahin
15 Berfanbar 2017•Rojanekirin: 16 Berfanbar 2017
ROMA
Meclisa Bajêr a Romaya peytextê Îtalyayê di salvegera 2 hezarî ya mirina Ovîdîusê helbestvan da cezayê sirgûnê yê ku dabûnê betal kir.
ANSAya ajansa Îtalyayê diyar kir ku Meclisa Bajêr a Romayê 2 hezar sal şûn da cezayê ku Augustusê Împaratorê Romayê dabû Ovîdîusê helbestvanê edebiyata latînî betal kir.
Cezayê sirgûnê bi pêşniyaza Tevgera 5 Sitêrkan a mixalifan va li Meclisa Bajêr hat betalkirin.
Tevgera 5 Sitêrkan got ji bo ku mexdûriyeta Ovîdîus ji holê rakin pêşnûma dan.
Vergîlîus, Horatîus û Ovîdîusê ji helbestavnê bi nav û deng ê heyama Romayê di sala 8an da sirgûnê Kostenceya di nav sînorê Romaya îro da ye kiribûn. Helbest van ji vê tarîxê pê va qasî 9 salan li Kostenceyê rûdinê.
Ovîdîus bi 15 pirtûkên xwe yên wek "Metamorfoz" û " Hunera Eşqê" va tê zanîn. Helbesta Ovîdîus a bi navê "Hero û Leandros" berhema herî kevn e ku qala Birca Keçikê ya li Stenbolê dike.
