Serokomar Erdogan li Bosna Hersekê ye

SARAYBOSNA

Serokomar Recep Tayyîp Erdogan bi "TUR"a balafira taybet di saet 13.05an da gihîşt Saraybosnaya paytextê Bosna Hersekê.

Serokomar Erdogan dema ku gihîşt Balafirgeha Navneteweyî ya Saraybosnayê ji aliyê Serokê Konseya Serokatiya Dewletê ya Bosna Hersekê Bakir Îzzetbegovîç û jina wî Sabija Îzzetbegovîç, Serokê Konseya Wezîran a Bosna Hersekê Denis Zvizdic, heyeta Boşnak, Balyozê Saraybosnayê yê Tirkiyeyê Haldun Koç û personelê balyozxaneyê va hat pêşwazîkirin.

Emîne Erdogana jina Serokomar Erdogan, Alîkarê Serokwezîr Hakan Çavuşoglu, Wezîrê Karên Derva Mevlut Çavuşoglu, Wezîrê Aboriyê Nîhat Zeybekçî, Wezîrê Ciwanî û Sporê Osman Aşkin Bak, Wezîrê Çand û Tûrîzmê Numan Kurtulmuş, Wezîrê Gîhandin, Ragihandin û Behrevaniyê Ahmet Aslan û Serokê Karên Diyanetê Alî Erbaş jî bi Serokomar Erdogan ra çûn Bosna Hersekê.

Erdogan wê di çarçoveya ziyareta xwe da bi Serokê Konseya Serokatiya Dewletê ya Bosna Hersekê Bakir Îzzetbegovîç ra yek û yek û bi heyetî hevdîtinan bike.

Erdogan wê beşdarî 6emîn Lijneya Giştî ya Asayî ya Yekîtiya Demokratên Tirk ên Ewropayî (UETD) bibe, piştra wê beşdarî merasima ku Zanîngeha Saraybosnayê ya Navneteweyî li dar dixe û tê da doxtortiya fexrî didinê jî bibe.