Serokomar Recep Tayyîp Erdogan li ser vexwendina Serokwezîra Îtalyayê Gîorgîa Meloniyê ji bo ku beşdarî Civîna 4emîn a Navbera Hikûmetên Tirkiye û Îtalyayê bibe, bi balafira taybet "TUR"ê hat Romaya paytextê Îtalyayê.

Serokomar Erdogan li Balafirgeha Navneteweyî ya Fîumîcîno Leonardo da Vîncî ji aliyê Balyoza Romayê ya Tirkiyeyê Elîf Çomoglu Ulgen û heyeta bi wê ra hat pêşwazîkirin.

Wezîrê Karên Derva Hakan Fîdan, Wezîra Malbat û Xizmetên Civakî Mahînur Ozdemir Goktaş, Wezîrê Ciwanî û Werzişê Osman Aşkin Bak, Wezîrê Çand û Turîzmê Mehmet Nurî Ersoy, Wezîrê Parastina Neteweyî Yaşar Guler, Wezîrê Pîşesazî û Teknolojiyê Mehmet Fatîh Kacir, Wezîrê Bazirganiyê Omer Bolat, Serokê Teşkîlata Îstixbaratê ya Neteweyî (MÎT) Îbrahîm Kalin, Serokê Ragihandinê yê Serokomariyê Fahrettîn Altun, Serşêwirmendê Ewlehî û Polîtîkaya Derva ya Serokomariyê Akîf Çagatay Kiliç û Serokê Pîşesaziya Parastina Serokomariyê Haluk Gorgun jî bi Erdogan ra hatin Îtalyayê.