Hat ragihandin ku li Endonezyayê li eyaleta Cavaya Rojava hezaz çêbû, li gor tesbîtên ewil 8 kes mirin û 82 kes jî winda bûn.

Hezaza ku li herêma Bandunga Rojava piştî barana gur ya ku çend roj e dibare çêbû li cî û waran bû sedema rûxînê.

Herman Suryatmanê rayedarê herêmî ji ajansa Antarayê ra axivî û diyar kir ku ekîbên lêgerîn û xilaskirinê di nav şertên erazî yên dijwar da dixebitin.

Suryatman got, "Ji 113 kesên ku hezazê bandor li wan kir 23 jê sax hatin xilaskirin. Termê 8 kesan hat dîtin. Xebatên ji bo 82 kesên winda dewam dikin."

Rayedaran da zanîn ku di encama hezazê da ji 30yî zêdetir xaniyan zirar dît û hin cî û war jî bi temamî di bin axê da man.