Li bakurê Babê êriş hat kirin: 60 kuştî

BAB

Li qerargeha Artêşa Azad a Sûriyê ku li bakurê Babê dikeve bi wasiteya bomberêjkirî êriş hat kirin. Di êrişê de endamên Artêşa Azad û piraniya wan sivîl 60 kes hatin kuştin û 100 kes jî hatin birîndarkirin.

Li gor agahiyên peyamnêrê Ajansa Anadoluyê ku li herêmê ye, li gundê Susyanê ku dikeve rojavayê bakurê Helebê û li bakurê Babê, wasiteya bomberêjkirî sivîlên ku li ber avahiya Artêşa Azad kom bibûn hedef girt.

Di êrişê de li gor agahiyên ewil endamên Artêşa Azad û sivîl 60 kes hatin kuştin, 100 kes jî hatin birîndarkirin.

Di êrişê de gelek wesayit û motorsiklêt bûn xurde.

Artêşa Azad û Tirkiyê, 24ê Tebaxê Herekata Mertalê Feratê dabûn destpêkirin û piştî paqijkirina neqeba Ezaz û Cerablûsê meha Kanûna 2016an berê xwe dabûn Babê.

Navçeya Babê ku 30 kîlometreyî dûrî sînorê Tirkiyê ye ji Çileyê 2014an vir ve di kontrola DEAŞê de bû.