Konvoya koçberan ku dimeşe Amerîkayê rê nîvî kir

ANKARA

Gruba ewil a konvoya bi hezaran mirovên ku ji welatên Amerîkaya Navîn direvin û ber bi Amerîkayê dimeşin, gihîşt Meksîkoya paytextê Meksîkayê.

Bi hezaran koçberên ku dixwazin ji ser Meksîkayê ra derbasî Amerîkayê bibin jê qedera 450 kes gihîştin paytext Meksîkoyê.

Gruba ewil a ku gihîşt bajêr, li yarîgeheke ku lê starên berwext hatine çêkirin, hatin bicihkirin.

Rêveberiya Meksîkoyê ragihand ku alîkariyên xida û avê yên seba koçberan amade ne.

Ciyê ku gruba ewil a koçberan guhîştinê, 805 kîlometre dûrî Texasê ye ku sînorê herî nêzîk ê Amerîkayê lê ye.

Konvoya ku ji sê gruban pêk tê û li ser guzergeha 500 kîlomêtre dirêj a di navbera bajarên Meksîkayê Chiapas, Oaxaca û Veracruzê da dimeşe, hêdî hêdî nêzîkî paytextê dibin.

- Ji Hondurasê dan ser rê

Rêwitiya konvoya ku ji zêdetir 7 hezar însanî pêk tê û ji ber zilm, tundî û xizaniyê ji welatên wekî Honduras, Guatemala û El Salvadorê direvin, çend hefte berê li Hondurasê dest pê kiribû.

Serokê Amerîkayê Donald Trump di daxuyaniya xwe ya hefteya borî da diyar kiribû ku ew ê nehêlin konvoy derbasî Amerîkayê bibe û ragihandibû ku ew ê 10-15 hezar eskerî li ser sînorê Meksîkayê bi cih bikin.

Trump diyar kiribû ku çi ferqa kevir û çekê tuneye û lewma jî heger koçber keviran bavêjin hêzên ewlekariyê, ew ê van keviran wekî çekê binirxînin û dibe ku ew bi guleyê bersivê bidin van keviran.

Trump herwiha gef li Honduras, Guatemala û El Salvadorê xwaribû ku ew ê alîkariyan bibirin.