Herêma Kurdistanê di nav 3 mehan da 39 milyon warîl neft îxrac kir

Herêma Kurdistana Iraqê (HKI) di hersê mehên dawîn ên par da ji xeta boriyê ra nêzî 39 milyon warîl neft îxrac kir.

Deloitteya şirketa kontrol û şêwirmendiyê ya ku navenda wê li Amerîkayê ye, li ser daxwaza HKIyê 3 mehan carekê raporê amade dike û li gor raporê di hersê mehên dawîn ên 2018an da 39 milyon û 399 hezar warîl nefta xam ji xeta boriyê ra derbas bû û li ser Lîmana Ceyhanê ra hat îxrackirin.

Li gor raporê HKIyê warêlek nef nêzî 54 dolarî firot û di navbera 1ê cormehê û 31ê berfanbara 2018an da 2,12 milyar dolar dahat bi dest xist û qezenca HKIyê ya net jî 1,09 milyar dolar çêbû.

Ji ber ku hikûmeta navendî ya Iraqê û partiyên mixalefetê rêvebiriya Hewlêrê bi "dahata neftê û firotina wê şefaf nîne" va sûcdar dikir, rêvebiriya Hewlêrê di mijdara 2016an da bi Deloitteyê ra peyman îmze kir ku dahatê wê kontrol bike.