"Divê cenazeyê Kaşikçi ji bo binaxkirinê bidin malbata wî"

WASHINGTON

Wezareta Karên Derve ya Amerîkayê bangî Erebistana Siûdî kir û got ku divê cesedê Cemal Kaşikçiyê rojnamevanê Siûdî bê dîtin û demildest miameleyên binaxkirin divê teslîmê malbata wî bikin.

Arîkarê Berdevkê Wezareta Karên Derve Robert Palladîno li wezaretê brîfînga ji çapemeniyê re girtî li dar xist û der barê cinayeta Kaşikçi de daxuyanî dan.

Palladîno bangî birêvebiriya Erebistana Siûdî kir û got ku "Amerîka dibêje ku divê cihê cesedê Cemal Kaşikçiyê rojnamevanê Siûdî bê tespîtkirin û ji bo di demek kurt de bê binaxkirinê bidin malbata wî."

Palladîno her wiha da zanîn ku Amerîka dê ne tenê kesên ku Kaşikçiyê rojnamevanê Siûdî kuştin kesên ku têkiliya wan bi cinayetê re heye jî berpirsyar bigire.

Piştî ku di 2yê cotmehê de Cemal Kaşikçiyê rojnamevanê Siûdî ketibû Serkonsolosxaneya Stenbolê ya Erebistana Siûdî jê xeber nehatibû sitandin. Birêvebiriya Erebistana Siûdî 18 roj pişt re mecbûr mabû qebûl bike ku Kaşikçi li konsolosxaneyê hatiye kuştin.

Di daxuyaniya ku ji Serdozgeriya Komarê ya Stenbolê hatibû dayîn de jî hatibû gotin ku "Maktul Cemal Kaşikçi di 2yê cotmeha 2018an de li Serkonsolosxaneya Stenbolê ya Erebistana Siûdî ya ku ji bo miameleyên zewacê çûbûyê di çarçoveya plankirina ku berê hatibû kirin de dema ketiye serkonsolosxaneyê demildest hatiye xeniqandin. Cesedê wî dîda di çarçoveya plankirina ku berê hatibû kirin de hatiye parçekirin û tunekirin."