Шентоп: „Односите меѓу Анкара и Москва му служат на глобалниот мир“

АНКАРА (АА) - Односите меѓу Туркије и Русија служат и на глобалниот мир и на развојот на човештвото, изјави денес претседателот на Големото народно собрание на Туркије (ТБММ), Мустафа Шентоп, јавува Агенција Анадолија (АА).

„Односите меѓу Туркије и Русија не се само билатерални односи. Тие исто така имаат ефект и природа што ќе му служи на светскиот мир и развојот на човештвото во многу регионални и глобални прашања“, изјави Шентоп на прес-конференција со неговиот руски колега Вјачеслав Володин во главниот град Анкара.

Шентоп рече дека разговарале за билатералните односи, регионалните прашања, како и за проектите за унапредување на врските меѓу турскиот и рускиот Парламент.

„Живееме во мултиполарен, мултилатерален светски поредок. Во таков период, билатералните односи, особено односите на двата главни актери во регионот, ќе имаат придобивки и за регионот и за глобалниот мир“, додаде тој.

„Односите меѓу Туркије и Русија се развија врз основа на искреност и доверба“, додаде Шентоп.

Володин, од своја страна, рече дека разговорите се одржале во „исклучително топла атмосфера“.

„Иако пандемијата ги наруши меѓупарламентарните односи“, рече Володин, „Москва и Анкара ќе ги поддржат и развиваат односите на секој начин за доброто на народите и државите.“

Тој, исто така, го покани Шентоп во Москва да копретседава со состанокот на Комисијата за соработка на високо ниво меѓу парламентите, што се очекува да се одржи на почетокот на 2023 година.