Уставниот суд на Турција едногласно го прифати обвинението со кое се бара затворање на партијата ХДП

АНКАРА (АА) - Главниот совет на Уставниот суд на Република Турција едногласно го прифати обвинението кое Обвинителството повторно го подигна со барање за затворање на Народната демократска партија (ХДП), која се товари за поврзаност со терористичката организација ПКК, јавува Агенција Анадолија (АА).

Обвинението со кое претходно се побара затворање на ХДП, а кое Уставниот суд го врати поради дополнување, повторно беше подготвено од Кабинетот на Главното државно обвинителство.

Обвинението од речиси 850 страници го потпиша главниот државен обвинител Бекир Шахин, а во него се бара политичка забрана за околу 500 членови на партијата. Исто така се бара да се стават мерки за претпазливост на банкарската сметка на партијата.

Уставниот суд го заврши првото читање и едногласно го прифати обвинението, но во оваа фаза не е прифатено барањето за блокада на банкарската сметка на партијата.

Судскиот процес за обвинението со барање за затворање на партијата ќе се води според процедурите на тужбите во кривичните постапки, а конечната одлука ќе ја донесе 15-члениот совет на Уставниот суд.

Во случај на крајот судот да ја затвори ХДП, на нејзините членови во наредните пет години ќе им биде забрането да бидат основачи, членови или раководители на која било друга партија.

Во текстот на обвинението, меѓу останатото е наведено дека трајното затворање на ХДП е правна обврска, бидејќи постапките на Народната демократска партија (ХДП) се против независноста на државата, нејзиниот неделив интегритет и човековите права.

„Мерката за затворање на политички партии се спроведува во сите напредни демократии. Најважната точка што треба да се забележи во секоја ситуација во која се темели учеството е да не дозволи систем кој ќе уништи и во потполност ќе ги укине правата и слободите признати со Устав. Единството на државата, единството на земјите и единството на нациите е меѓу основните начела на Уставот. Политичките партии, покрај останатите институции, органите и поединците, можат да дејствуваат во согласност со тие основни начела“, пишува во обвинението.

Во претходниот текст на обвинението е наведено дека врз основа на претходните обвиненија и пресуди против членовите на ХДП и останатите собрани докази е утврдено дека оваа партија во потполност е под контрола на терористичката организација ПКК/КЏК, токму како и партиите што претходно се затворени со одлуките на Уставниот суд на Турција. Обвинителот тогаш истакна во обвинението и дека ХДП е огранок на терористичката организација ПКК.

Исто така е наведено дека состаноците и конгресите на ХДП не се налик на собирите и конгресите на оние партии во Турција што се основани во согласност со Уставот и законите, туку дека тоа се собири на кои се извикуваат пароли во корист на сепаратистичката терористичка организација ПКК и нејзиниот водач Абдула Оџалан.

ПКК е сепаратистичка организација која се наоѓа на листата на терористички организации во Турција, ЕУ и САД. Во текот на повеќедецениската терористичка кампања против Турција, терористите на ПКК убија најмалку 40.000 луѓе. ЈПГ е сириски огранок на ПКК.

Партијата ХДП се товари за поврзаност со терористите на ПКК, а повеќе челници на таа партија се обвинети за ширење на терористичка пропаганда и пружање помош на терористите.