Турските сили неутрализираа над 10 терористи на ЈПГ/ПКК во северна Сирија

АНКАРА (АА) - Турските сили неутрализираа над 10 терористи на терористичката организација ЈПГ/ПКК во северниот дел на Сирија, пренесува Агенција Анадолија (АА).

Информацијата преку соопштение ја потврди Министерството за национална одбрана на Турција.

Се истакнува дека неутрализираните терористи биле во обид за напад во зоните во кои турските сили реализираа антитерористички операции.

Од 2016 година Анкара започна три успешни антитерористички операции преку својата граница во северна Сирија за да спречи формирање терористички коридор и да овозможи мирно враќање на жителите: „Штитот на Еуфрат“ (2016), „Маслинова гранка“ (2018) и „Извор на мирот“ (2019).

Во својата над 35-годишна терористичка кампања против Турција, ПКК, којашто се наоѓа на листата на терористички организации на Турција, САД и Европската Унија, одговорна е за смртта на најмалку 40.000 луѓе, вклучувајќи деца и жени. ЈПГ е сириски огранок на ПКК.