Турскиот Парламент го усвои законот за членство на Шведска во НАТО

АНКАРА (АА) - Турскиот Парламент вчера го одобри законот во врска со протоколот за пристапување на Шведска во Организацијата на Северноатлантскиот договор (НАТО), јавува Анадолу.

По расправата за предлог-законот за одобрување на протоколот за прием на Шведска во НАТО во турскиот Парламент, предлог-законот беше одобрен од 287 од вкупно 346 пратеници кои учествуваа во гласањето, додека 55 пратеници гласаа „против“, а четворица беа „воздржани“.

Финска и Шведска, двете нордиски земји кои се близу или граничат со Русија, аплицираа за членство во НАТО веднаш откако Русија ја започна својата војна против Украина во февруари 2022 година.