Турскиот аеродром „ИГА Истанбул“ за шест години го посетиле 317 милиони патници

ИСТАНБУЛ (АА) - Најголемиот аеродром во Туркије, аеродромот„ИГА Истанбул“, кој од страна на „Глобал травелер“ е прогласен за најдобар во Европа, го посетиле над 317 милиони патници од отворањето во 2018 година, јавува Анадолу.

Аеродромот на површина од 76,5 квадратни километри официјално беше отворен на 29 октомври 2018 година, со присуство на претседателот Реџеп Таип Ердоган, турски политичари и меѓународни високи претставници.

Аеродромот „ИГА Истанбул“, го позиционира Истанбул како центар во глобалната авијација, управувајќи со патнички и товарен сообраќај со експанзивни терминали, царински области, независни писти и преку 100 опции за јадење и речиси 200 продавници за малопродажба.

Аеродромот има регистрирано над 2,1 милион летови од 101 авиокомпанија, превезувајќи околу 1,4 милиони тони товар.

Тој нуди летови до повеќе од 120 земји, со 322 дестинации.

Според Еуроконтрол, аеродромот имал најмногу летови за Европа во период од 2022 до 2023 година, надминувајќи ги другите големи европски метрополи.

Од неговото отворање, аеродромот „ИГА Истанбул“ има добиено повеќе награди, вклучително и награда за „Најдобар меѓународен аеродром“ од „Конде наст травелер“ во 2022 и 2023 година, второ место на листата „Топ 10 аеродроми во светот“ на „Травел енд лејжр“ во 2021 година и признание од „Скајтракс“ како еден од 10-те најдобри аеродроми во светот во 2024 година.