Со заедничка операција на турските вооружени сили и МИТ неутрализирани 3 терористи на ПКК во северен Ирак

АНКАРА (АА) - Како резултат на координираната работа на Турските вооружени сили (ТСК) и Националната агенција за разузнавање (МИТ), неутрализирани се 3 терористи на ПКК, откриени на северот од Ирак, пренесува Агенција Анадолија (АА).

Во соопштението на турското Министерство за национална одбрана се нагласува: „Нема спас за терористите. Како резултат на координираната работа на турските вооружени сили и МИТ, со воздушна операција неутрализирани се 3 терористи на ПКК откриени во областа Хафтанин на северот на Ирак. Без оглед во која дупка ќе влезат терористите, ние ги наоѓаме, ги неутрализираме и ќе продолжиме да ги неутрализираме.“

Терористичката организација ПКК често се крие во северен Ирак, веднаш преку јужната граница на Турција, за да подготвува терористички напади во Турција.

Во својата над 35-годишна терористичка кампања против Турција, ПКК, која се наоѓа на листата терористички организации на Турција, Соединетите Американски Држави (САД) и Европската Унија (ЕУ), одговорна е за смртта на најмалку 40.000 луѓе, меѓу кои и деца и жени.