КОНИЈА (АА) ‒ Централната турска област Конија се одликува со повеќе од 2.000 дупки создадени од геолошки фактори и од зголемувањето на употребата на подземните води што доведува до спуштање на земјиштето, јавува Агенција Анадолија (АА).
Масивните дупки се природен феномен, но бројот на дупки значително се зголеми во последниве години поради прекумерната употреба на подземните води за наводнување и сушата што шири страв кај локалното население што живее во областа.
Професорот Фетула Арик, кој го предводи Истражувачкиот центар на масивни дупки на Техничкиот универзитет во Конија, вчера (28 септември) за АА Видеовести (AAVN) изјави дека бројот на дупки во рамнината Конија се намалил во споредба со минатата година, велејќи дека 16 дупки се појавиле од почетокот на 2022 година.
Наведувајќи дека бројот на масивни дупки во регионот изнесува околу 2.600, проф. Арик истакна дека не може да се спречат главните причини за формирањето на дупките.
Тој рече дека геолошките фактори, намалувањето на подземните води и сушата се, исто така, причина за формирањето на дупките.
„Се соочуваме со климатска катастрофа. Овде продолжува производството на растенија кои трошат многу вода. Побарувачката за вода е многу висока. И недостигот на врнежи и прекумерната употреба на вода ја зголемуваат рецесијата на нивоата на подземните води“, рече тој.
Арик, исто така, рече дека новопојавените дупки претставуваат опасност за луѓето и станале закана во станбените и земјоделските области.
Морничавите дупки, кои се претежно во областа Карапинар, станаа една од главните атракции во регионот со својот уникатен спектакл.
Една од нив, Цирали долин која се наоѓа на 35 километри северозападно од областа Карапинар, се издвојува со својата површина од 17.500 квадратни метри. Во неа има траги од животот пред Христос и пештери направени од луѓе.
Научниците веруваат дека огромните дупки во Конија се предизвикани од еколошките проблеми и големиот обем на модерно наводнувано земјоделство кое користи подземни води, што е главниот фактор за исцрпувањето на подземните води во областа во 2000 година.
