На истанбулскиот полумаратон се собраа речиси 8.000 атлетичари од 50 држави

ИСТАНБУЛ (АА) - Атлетичарот од Етиопија, Амдеворк Валелег и неговата сонародничка Абабел Јешане се победници на 13. Водафон (Vodafone) истанбулски полумаратон на кој денес учествуваа речиси 8.000 натпреварувачи од 50 земји, јавува Anadolu Agency (AA).

Организаторот на манифестацијата е Град Истанбул, а Меѓународната атлетска федерација (IAF) маратонот го смести во Златната категорија.

Покрај главната полумаратонска трка, во рамките на манифестацијата се одржани и трки на десет километри. На победниците им е обезбеден награден фонд од 800.000 лири (161.000 евра).

Победникот на полумаратонот Валелег, патеката долга 21 километар ја истрча за 59,50 минути, и е прв натпреварувач кој ја минал патеката за помалку од еден час.

Второ место зеде Етиопјанецот Асефа Тефера. Трето месо освои домашниот атлетичар Кан Киген Озбилен кој постигна нов национален рекорд.

Во женска конкуренција, првото место го освои Етиопјанката, Јешабе. Втора беше уште една атлетичарка од Етиопија, Роза Дереје, додека третото место го зеде Кенијката Диана Чемтаи Кипјокеи.

За време на манифестацијата, оддадена е почест на танзанискиот атлетичар Исмаил Џума кој минатата година победи на Истанбулскиот полумаратон, а потоа почина во сообраќајна несреќа во Танзанија.