МНР на Туркије ги отфрли изјавите за настаните од 1915 година: „Додворување на некои радикални кругови“

АНКАРА (АА) - Министерството за надворешни работи на Туркије ги отфрли едностраните изјави на одредени функционери на некои земји за настаните од 1915 година и изјави дека таквите постапки имаат за цел да им угодат на „некои радикални кругови“, јавува Анадолу.

Во соопштението Министерството го изразува своето мислење за изјавите на официјални претставници на некои земји во врска со настаните од 1915 година.

„Ги отфрламе едностраните изјави за настаните од 1915 година, кои се обидуваат да им се додворат на некои радикални кругови“, се вели во соопштението.

Беше нагласено дека овие изјави кои ги искривуваат историските факти се и во спротивност со меѓународното право и беше констатирано дека Европскиот суд за човекови права јасно нагласил дека настаните од 1915 година се легитимен предмет на расправа.

„Овие предрасуди и пристрасни изјави за историјата не само што им штетат на напорите за помирување меѓу двете заедници, туку и ги охрабруваат радикалните групи склони да вршат злосторства од омраза. Ги повикуваме сите страни да го поддржат нашиот предлог за формирање Заедничка историска комисија и процесот на нормализација започна со Ерменија“, се заклучува во соопштението.