Ердоган за Газа: „Се соочуваме со ароганција што на повиците за прекин на огнот одговара со крвопролевање“

ИСТАНБУЛ (АА) - Турскиот претседател Реџеп Таип Ердоган денес го пофали шпанскиот премиер Педро Санчез за ставот за тековната криза во Газа, јавува Анадолу.

„Му честитам на мојот драг пријател, премиерот Педро Санчез, за ​​неговиот став за Газа, во мое и во името на мојата нација“, рече Ердоган во обраќањето на бизнис-форумот во шпанскиот главен град Мадрид, додавајќи дека Санчез „е врежан во срцата на нашите палестински браќа“.

Ердоган претставува во официјална посета на Шпанија по повод осмиот меѓувладин самит меѓу двете земји.

„Геноцидот што се случува во Газа веќе 250 дена ги повредува сите со совест“, додаде турскиот претседател на форумот на кој присуствуваше и Санчез.

Тој, исто така, се осврна и кон, како што го нарече, „расипаното однесување“ на Израел, велејќи дека Владата на земјата предводена од премиерот Бенјамин Нетанјаху одговара на повиците за прекин на огнот со крвопролевање.

„Се соочуваме со ароганција што на повиците за прекин на огнот одговара со крвопролевање. Совесните земји не можат да го прифатат тоа“, рече Ердоган.

Тој се осврна и на односите на Туркије со Европската Унија (ЕУ).

„Неуспехот да се обнови Царинската унија и строгите барања за визи наметнати за нашите бизнисмени го спречуваат целосното искористување на нашиот заеднички потенцијал со блокот“, рече Ердоган.

Според локалните здравствени власти, во Газа се загинати над 37.200 Палестинци, од кои голем број жени и деца, а повеќе од 84.900 се повредени.

Осум месеци по почетокот на израелската војна огромни делови од Газа се во урнатини, а постои и блокада за храна, чиста вода и лекови.

Израел е обвинет за геноцид пред Меѓународниот суд на правдата, кој со привремената пресуда во јануари му нареди да ги запре геноцидните акти и да преземе мерки за да гарантира хуманитарна помош за цивилите во Газа.