Емине Ердоган за обидот за пуч на ФЕТО: „Никогаш нема да бидат заборавени храбрите напори на турскиот народ“

АНКАРА

Првата дама на Туркије, Емине Ердоган, денеска порача дека „никогаш нема да бидат заборавени“ храбрите напори на турскиот народ кој го почувствува обидот за државен удар на терористичката организација ФЕТО на 15 јули 2016 година, јавува Агенција Анадолија (АА).

„Таа ноќ патиштата на милиони луѓе кои своите срца ги носеа како штитови се вкрстуваа пред тенковите. Секој граѓанин од 7 до 70 години, и машко и женско, стана симбол на единство. Тоа беше еп за 15 јули врежан во историјата и испишан со неговата одлучност и храброст“, рече Емине Ердоган на Твитер, по повод одбележувањето на шестата годишнина од обидот за пуч на терористичката организација ФЕТО во Туркије.

„На годишнината од предавничкиот обид за државен удар оддаваме длабока благодарност на нашите шехиди кои ги положија животите за демократија и почест и благодарност на нашите ветерани. Никогаш нема да ја заборавиме и благородната борба за благосостојбата на земјата и секогаш ќе го чуваме сеќавањето на таа борба“, додаде таа.

- ФЕТО како опасност за сите земји во кои дејствува

Терористичката организација Фетула (ФЕТО) е одговорна за крвавиот обид за пуч во Туркије ноќта на 15 јули 2016 година.

Станува збор за терористичка организација која ја предводи Фетула Ѓулен, кој се наоѓа во Соединетите Американски Држави, а чија екстрадиција Туркије официјално ја побара од САД.

Членовите на таа терористичка организација, со години, со местење испити напредуваа во службата, инфилтрирајќи се така во институциите на земјата. Потоа, најпрво во декември 2013 година, следбениците на ФЕТО во правосудството на Туркије со монтиран процес за наводна корупција се обидоа да процесуираат бројни високи функционери.

Неколку години подоцна следуваше и крвавиот обид за државен удар на терористите на ФЕТО, односно обидот за пуч кој го изведоа офицерите кои ФЕТО ги инфилтрира во турската војска.

Истрагата во врска со терористичката организација ФЕТО покажа дека се работи за глобална мрежа која не претставува опасност само за Туркије, туку и за секоја друга земја во која е активна. На тоа во повеќе наврати укажуваа турските власти. Во обидот за пуч во Туркије загинаа 251 лице, а ранети беа 2.734 лица.