Во антитерористичка акција во Истанбул приведени десет лица

ИСТАНБУЛ

Во акција организирана во Истанбул, а насочена против терористичката организација ПКК, приведени се десет лица, јавува Агенција Анадолија (АА).

Екипите на Одделот за борба против тероризмот започнаа акција против структурите на Револуционерното младинско движење (DGH), кое во Истанбул дејствува во име на ПКК. Се верува дека осомничените, по повод одбележување на годишнината од денот кога водачот на терористите на ПКК, Абдула Оџалан, е префрлен во Турција по фаќањето во Кенија, подготвувале активност за 15 февруари.

Во рамките на истрагата се извршени претреси на неколку адреси и приведени се десет лица.

Запленета е голема количина документи и дигитален материјал.

Процесуирањето на приведените е во тек.