„Оние што му аплаудираат на Нетанјаху се поддржувачи на крвавиот злосторник“

АНКАРА (АА) - Турскиот министер за надворешни работи Хакан Фидан вчера изјави дека оние што му аплаудираа на израелскиот премиер Бенјамин Нетанјаху за време на неговиот говор во американскиот Конгрес влегоа во историјата како поддржувачи на крвавиот злосторник, јавува Анадолу.

Министерот Фидан на својот профил на платформата Х напиша дека бројот на убиени во Газа се приближува кон 40.000 и дека милиони Палестинци ги загубија своите домови и биле принудени да емигрираат.

Нагласувајќи дека верува оти сите израелски функционери, особено Нетанјаху, кои се градители на ситуацијата во Газа, еден ден ќе одговараат пред правдата, Фидан порача:

„Оние што му аплаудираа на Нетанјаху влегоа во историјата како поддржувачи на крвавиот злосторник, а целото човештво сведочеше на слика во која моралниот компас целосно исчезна. Оние што силата ја црпат од својата праведност, а не од скандирањата, кои трпеливо го чекаат денот кога правдата ќе биде задоволена, сигурно ќе победат.“