СКОПЈЕ (АА) - Патот кон пласман на Светското првенство 2026 вечерва минува низ Балканот, каде што четири репрезентации од регионот ги играат полуфиналните натпревари од плејоф-фазата за Светското првенство на ФИФА 2026, јавува Анадолу.
Северна Македонија, Босна и Херцеговина, Косово и Албанија вечерва излегуваат на терен на натпревари за „живот или смрт“.
- Одлучувачка вечер на четири фронта -
По легендарната елиминација на Италија во квалификациите за Светското првенство 2022, Северна Македонија цели кон уште едно чудо, овој пат против Данска. На другата страна од овој пат, Чешка и Ирска ќе се борат за второто место во финалето.
Босна и Херцеговина патува во Велика Британија за да се соочи со искусната репрезентација на Велс. Во меѓувреме, Италија игра против Северна Ирска, додека на Босанците им е потребен перфектен настап за да ги одржат живи надежите за пласман. Од четирите репрезентации од регионот што играат вечерва, Босна и Херцеговина е единствената која учествувала на Светско првенство, и тоа во 2014 година, но нивниот настап заврши релативно брзо.
Во Приштина и низ цело Косово вниманието е насочено кон дуелот со репрезентацијата на Словачка. Косово се смета за благ фаворити поради добрата форма, но Словачка останува сериозен предизвик за косовската селекција. Победа на Косово вечерва би значела дека големото финале на 31 март ќе се игра на стадионот „Фадил Вокри“ во Приштина, каде што победникот од дуелот Турција - Романија ќе гостува за билет за Светското првенство.
Албанија ја предизвикува Полска. „Црвено-црните“ го започнуваат овој пат со тешко гостување во Полска. По извонредниот напредок во последните години, Албанија се смета за „тврд орев“ кој цели кон историско финале. Во истата група, Шведска и Украина ќе ги одмерат силите за да го одредат можниот ривал во финалето.
- „Златна можност за балканските репрезентации“ -
Овој формат, каде што четирите балкански репрезентации се наоѓаат на четири различни „патеки“, не дозволува грешки и секое попуштање може да значи директна елиминација.
Од другите балкански земји, Бугарија и Романија учествувале по седум пати на светски првенства, Хрватска шест пати, Србија и Грција по три пати, Турција и Словенија по два пати, додека Босна и Херцеговина еднаш.
За репрезентациите од Балканот, не станува збор само за фудбал, туку и за национална гордост и златна можност да се испрати својата земја на највисоката сцена на Светското првенство на ФИФА 2026.
Очите на милиони навивачи вечерва се вперени кон овие четири битки кои ветуваат драма до последната секунда.
