Emre Aşıkçı
28 Јуни 2023•Ажурирај: 29 Јуни 2023
ИСТАНБУЛ (АА) – Манчестер сити го комплетира ангажирањето на Матео Ковачиќ од Челзи кој потпиша четиригодишен договор со клубот, јавува Анадолу.
„Ова е брилијантен потег за мене и едвај чекам да започнам со Сити“, изјави хрватскиот играч од средниот ред по церемонијата на потпишување на стадионот во Манчестер.
„Секој што го гледал овој тим под (водство на Пеп) знае колку се добри – за мене тие се најдобри во светот. Трофеите што ги имаат освоено се јасни за сите, додаде тој.
Ковачиќ забележа 221 настап во пет сезони во Челзи, освојувајќи ги Лигата на шампионите, Лигата на Европа, Светското клупско првенство на ФИФА и Суперкупот на УЕФА.
Дваесет и деветгодишниот фудбалер освои 95 натпревари за Хрватска и беше клучен дел од тимот што стигна до финалето на Светското првенство во Русија 2018 година и заврши на трето место на Катар 2022.
