Selçuk Buğra Gökalp
20 Декември 2022•Ажурирај: 20 Декември 2022
АНКАРА (АА) - Голем број луѓе денес во главниот град на Аргентина, Буенос Аирес, ја пречекаа фудбалската репрезентација на светските шампиони, која се врати дома со трофеј од Светското првенство, јавува Агенција Анадолија (АА).
Илјадници аргентински навивачи го пречекаа својот шампионски тим пред Аеродромот „Езеиза“, по пристигнувањето на нивниот тим во татковината.
„Составот на светскиот шампион ќе замине денес напладне на Обелиск за да ја прослави светската титула со навивачите“, беше објавено вчера на Твитер преку официјалниот профил на репрезентацијата на Аргентина.
Во Аргентина денешниот ден е прогласен за државен празник во знак на пречек на репрезентацијата, која по подобро изведување пенали ја совлада Франција во финалето на Светското првенство во Катар.
Во неделата, Аргентина предводена од Меси ја победи Франција со 4:2 во пенали и ја освои третата титула на земјата на Светско првенство на ФИФА.
