Ердоган: Туркије има капацитет за организирање на сите меѓународни спортски настани

ИСТАНБУЛ (АА) - Туркије има повеќе од доволно капацитет за организирање на сите видови меѓународни спортски настани, вклучително и Олимпијадата, изјави денес турскиот претседател Реџеп Таип Ердоган, јавува Анадолу.

Ердоган имаше обраќање на свеченото отворање на канцеларијата на УЕФА во Истанбул.

Канцеларијата на раководното тело на европскиот фудбал во Истанбул ќе игра активна улога во подготвителниот процес за Европското фудбалско првенство на УЕФА во 2032 година, на кое кодомаќини ќе бидат Туркије и Италија.

Истанбул беше домаќин на многу големи настани на УЕФА до денес, меѓу кои финалето на Лигата на шампиони на УЕФА 2005, финалето на Купот на УЕФА 2009, финалето на Суперкупот на УЕФА 2019 и финалето на Лигата на шампиони на УЕФА 2023.