Француските медиуми со пофалби до турскиот играч Бурак Јилмаз кој постигна 2 гола против Спарта Прага

ПАРИЗ (АА) – Француските медиуми со пофалби до турскиот играч Бурак Јилмаз, кој игра за француската екипа Лил, и постигна 2 гола против Спарта Прага, во синоќешниот натпревар во УЕФА Лигата на Европа, обезбедувајќи ѝ на својата екипа пласман во следната рунда на натпреварите, пренесува Агенција Анадолија (АА).

Спортскиот весник „Л’Екип“ (L'Equipe) во веста наведе дека Бурај Јилмаз во игра влезе кон крајот на мечот и постигна 2 гола против Спарта Прага, а со тоа го спаси Лил и му гарантира пласман во втората група од натпреварите.

Спортскиот канал „РМЦ Спорт“ (RMC Sport), во извештајот со наслов „Бурај Јилмаз го собори Спарта Прага и му обезбеди пласман на Лил во следната рунда“, истакна дека турскиот репрезентативец Јилмаз ѝ обезбедил победа на екипата на Лил.

Во вестите се забележува дека Бурак Јилмаз е „спасител“ со својот настап, по влегувањето во игра на крајот на натпреварот.

Списанието „Франс фудбал“ (France Football) во веста за натпреварот истакна дека Бурак Јилмаз откако влегол во игра ја сменил судбината на натпреварот.

Во веста на веб-страницата „Foot Mercato“ се наведува дека Лил се пласирал во следната рунда на натпреварите во УЕФА Лигата на Европа благодарение на Бурак Јилмаз.

„Ле Парисиен“ (Le Parisien) во својата вест напиша дека турскиот национален фудбалер Јилмаз е играч на натпреварот и дека откако влегол во игра ја променил ситуацијата на теренот.

Лил во 5. коло на УЕФА Лигата на Европа ја победи Спарта Прага со 2:1. Бурак Јилмаз во игра влезе во 77. минута. Головите за францускиот тим ги постигна во 80. и 84. минута.