Јавната поддршка за Израел значително се намалила, според анкета во САД

АНКАРА (АА) - Американска анкета покажува дека јавната поддршка за Израел значително се намалила, при што мнозинството испитаници се противат на дополнителна економска и воена помош за Владата во Тел Авив, известува Анадолу.

Во националната анкета спроведена од „Њујорк тајмс“ (NYT) и Универзитетот Сиена, реализирана помеѓу 22 и 27 септември 2025 година, анкетирани се 1.313 регистрирани гласачи за да се проценат американските ставови за Израел.

Според анкетата, 51% од испитаниците го изразиле своето противење на дополнителна економска и воена помош за Израел.

Поддршката за Палестинците изнесува 35%, а поддршката за Израел е 34%. Овие бројки изнесуваа 20% и 47%, соодветно во 2023 година.

Меѓу испитаниците на возраст под 30 години 68 % одговориле дека се против дополнителна економска или воена помош за Израел.

Во анкетата 58 % од испитаниците рекле дека Израел треба да ги запре своите воени операции за да спречи цивилни жртви, дури и ако не се ослободат сите заробеници, а 40% веруваат дека Израел намерно убива цивили во Газа.

Процентот на луѓе што веруваат дека Израел намерно убива цивили е речиси двојно зголемен, во споредба со 22% во 2023 година.