Шестмина повредени во напад со нож на железничка станица во Париз

АНКАРА (АА) - Во нападот со нож утринава на Железничката станица „Гаре ду Норд“ во францускиот главен град Париз се ранети шест лица, меѓу кои и еден полицаец, пренесува Агенција Анадолија (АА).

Според француската телевизија БФМТВ (BFMTV), осомничениот е маж, а министерот за внатрешни работи, Жералд Дарманин, изјави дека тој бил брзо неутрализиран.

„Лицето утринава повреди неколку лица на „Гаре ду Норд“. Тоа беше брзо неутрализирано“, изјави Дарманин на Твитер.

Тој се заблагодари и на полицијата за нејзиниот „ефективен и храбар одговор“.

Инцидентот предизвика прекин во сообраќајот, а на местото на настанот се испратени и медицински екипи.