АНКАРА (АА) - Четири лица се убиени, а 10 се повредени во вооружен напад на семеен настан во американската сојузна држава Калифорнија, известува Анадолу.

CBS News објави вест во која се пренесува изјавата на портпаролката на канцеларијата на шерифот на Сан Хоакин, Хедер Брент. Потпаролката Брент во веста вели дека бил извршен вооружен напад во сала за приеми во областа Стоктон.

Таа истакна дека во нападот се убиени четири лица, меѓу кои има и деца, а 10 се повредени.

Брент информираше дека првичните наоди сугерираат дека нападот можеби бил со цел и дека досега не се извршени приведувања.

Заменик-градоначалникот на Стоктон, Џејсон Ли, на социјалните мрежи објави дека нападот се случил на „детска роденденска забава“.

Портпаролката Брент од своја страна рече дека не може да ги потврди деталите за настанот и може само да го опише како „семеен настан“.

Гувернерот на Калифорнија, Гевин Њусом објави дека е информиран за нападот.