Чавушоглу ќе оствари официјална посета на Кувајт, Оман и Катар

АНКАРА

Министерот за надворешни работи на Турција, Мевлут Чавушоглу, помеѓу 9 и 11 февруари ќе оствари официјална посета на Кувајт, Оман и Катар, пренесува Агенција Анадолија (АА).

Информацијата преку соопштение ја потврди Министерството за надворешни работи на Турција.

Во соопштението се нагласува дека Чавушоглу во рамки на овие посети ќе се состане со неговите колеги, како и со други високи претставници на овие земји.

Според ова соопштение, на средбите кои ќе се реализираат во рамки на посетите, ќе се разговара за различните аспекти на билатералните односи.

Се истакнува дека на средбите ќе бидат разменети мислења за регионалните и меѓународни прашања.

Во соопштението се наведува дека Чавушоглу исто така ќе се состане и со турските бизнисмени.