Betül Yılmaz
09 Февруари 2025•Ажурирај: 10 Февруари 2025
ГАЗА (АА) - Палестинската група на отпорот Хамас денес го обвини Израел дека ја попречува испораката на хуманитарна помош во Газа која е договорена во рамките на договорот за прекин на огнот, јавува Анадолу.
„Поминаа 22 дена од прекинот на огнот, а израелската окупација сè уште го попречува спроведувањето на хуманитарниот протокол, особено влезот на шатори, гориво и тешка механизација“, истакна портпаролот на Хамас, Абдел Латиф ал-Кануа.
Портпаролот ги повика посредниците да извршат притисок врз Израел за „да го обврзат строго да го спроведува договорот за прекин на огнот, меѓу кое и влез на итни медицинска и хуманитарна помош со цел да се спасат животите на нашиот народ“.
Во петокот, Салама Маруф, кој ја предводи Канцеларијата за медиуми на Владата на Газа, изјави дека хуманитарната ситуација во Газа и понатаму е катастрофална бидејќи Израел сè уште не дозволува влез на хуманитарната помош.
Според Маруф, само 8.500 камиони со помош влегле во Газа од 19 јануари, што е далеку под очекуваните 12.000 според договорот за прекин на огнот.
Првата шестнеделна фаза од договорот за прекин на огнот стапи на сила на 19 јануари, со што е прекината израелската геноцидна војна во која се убиени речиси 48.200 Палестинци, од кои повеќето жени и деца, а енклавата е оставена во урнатини.
Меѓународниот кривичен суд во ноември минатата година издаде налози за апсење за израелскиот премиер Бенјамин Нетанјаху и неговиот поранешен министер за одбрана Јоав Галант за воени злосторства и злосторства против човештвото во Газа.
Израел се соочува и со случај за геноцид пред Меѓународниот суд на правдата за неговите постапки во енклавата.
