Уште осум бродови ја напуштија Украина во рамките на договорот за испорака на жито

АНКАРА (АА) - Министерството за национална одбрана на Туркије (Турција) соопшти дека уште осум брода натоварени со жито испловиле од украинските пристаништа, пренесува Агенција Анадолија (АА).

Во соопштението на турското Министерство се нагласува: „Испораката на жито продолжува безбедно според планираното. Денес од украинските пристаништа испловија осум брода натоварени со жито.“

Туркије, Обединетите нации (ОН), Русија и Украина на 22 јули во Истанбул потпишаа договор за продолжување на извозот на жито од три украински пристаништа во Црното Море, што беше прекинат од почетокот на Руско-украинската војна во февруари.

Во Истанбул е формиран Заеднички координативен центар со официјални претставници од трите земји и ОН за надгледување на испораките.