Уште еден новинар убиен во израелски напад во Газа: Бројката на убиени новинари се искачи на 96

ИСТАНБУЛ (АА) – Уште еден палестински новинар е убиен во израелски воздушен напад во Појасот Газа, со што билансот на убиени новинари од 7 октомври се зголеми на 96, соопшти владината Канцеларија за медиуми, пренесува Анадолу.

Абдула Алван го загуби животот во нападот извршен врз градот Џабалија во северниот дел на Појасот Газа, се вели во соопштението на Канцеларијата за медиуми.

Новинарката Ханен ал Каштан беше убиена претходно во понеделникот во израелски напад врз нејзиниот дом во бегалскиот камп Нусејрат во централниот дел на Појасот Газа.

Во воздушните и копнените напади на Израел врз Појасот Газа по нападот на Хамас на 7 октомври загинаа повеќе од 18.800 Палестинци, главно жени и деца, според здравствените власти во енклавата.

Војната ја остави Газа во урнатини со половина од станбениот фонд на крајбрежната територија оштетен или уништен, а речиси 2 милиони луѓе се раселени во густо населената енклава поради недостиг на храна и чиста вода.

Според официјалните бројки, бројот на убиени во Израел изнесува 1.200, додека повеќе од 130 заложници се во заробеништво.