УНИЦЕФ: Животно загрозени 20 новороденчиња во болницата Акса во Газа

АНКАРА (АА) – Фондот на Обединетите нации за деца (УНИЦЕФ) предупреди дека животите на повеќе од 20 новородени бебиња се загрозени во болницата Акса во Појасот Газа поради недостиг на гориво, јавува Анадолу.

УНИЦЕФ наведе дека испораката на гориво во Газа, која е под израелски напади, е сè уште мала.

Тие го привлекоа вниманието на кризата со гориво во болницата Акса во централниот дел на Газа.

„Бидејќи не може да се врши редовна испорака на гориво во болницата Акса во Деир ал Белах, генераторите на кислород ќе бидат исклучени и животите на повеќе од 20 новородени бебиња ќе бидат загрозени“, предупреди УНИЦЕФ.

Оттаму нагласија дека на Газа итно ѝ е потребно повеќе гориво и безбедни коридори за хуманитарните работници да ја извршуваат својата работа.

Болницата Акса предупреди дека здравствената заштита е прекината поради недостиг на гориво во болницата, и дека во животна опасност се 1.200 пациенти и повредени.