Украина соопшти дека добила 1,5 милијарди евра макрофинансиска помош од ЕУ

ИСТАНБУЛ (АА) - Украина соопшти дека ја добила деветтата транша од макрофинансиската помош од Европската Унија (ЕУ) во износ од 1,5 милијарди евра, пренесува Анадолу.

„Генерално, буџетската поддршка на ЕУ во 2023 година веќе изнесува 15 милијарди евра - ова е еден од најважните фактори што ѝ помага на Украина да биде економски силна и стабилна“, рече украинскиот премиер Денис Шмихал во соопштението објавено на Телеграм.

Шмихал нагласи дека Украина, заедно со Европската комисија, работи на нова долгорочна програма со вкупен обем од 50 милијарди евра.

„Очекуваме да добиеме 18 милијарди евра од нив следната година“, истакна Шмихал.

„Благодарен сум на партнерите за нивната цврста солидарност со Украина“, додаде тој.

Европската комисија минатиот месец објави дека исплатила уште 1,5 милијарди евра за Украина како дел од нејзината програма за „макрофинансиска помош“ вредна 18 милијарди евра, со цел да ги поддржи „непосредните потреби за финансирање“ на земјата.