ИСТАНБУЛ (АА) - Американскиот претседател Доналд Трамп денес изјави дека САД можат да го отворат Ормускиот Теснец, како и „да ја земат нафтата и да заработат богатство“, истакнувајќи дека таквиот потег би бил вистински „извор“ за светот, јавува Анадолу.

„Со малку повеќе време, можеме лесно да го отвориме Ормускиот Теснец, да ја земеме нафтата и да заработиме богатство. Тоа би било 'извор' за светот“, напиша Трамп на својата платформа „Трут соушал“.

Ормускиот Теснец низ кој поминуваат 20 отсто од глобалното снабдување со нафта дневно, е затворен откако САД и Израел започнаа заедничка офанзива против Иран.

Американскиот претседател Доналд Трамп досега испраќаше мешани сигнали во врска со плановите на Вашингтон за оваа стратегиска водена маршрута.

Регионот е во состојба на зголемена готовност откако САД и Израел на 28 февруари започнаа воздушна офанзива, при што, според достапните информации, загинале повеќе од 1.340 лица, меѓу кои и тогашниот врховен лидер на Иран, ајатолахот Али Хамнеи.

Иран возврати со напади со дронови и ракети насочени кон Израел, Јордан, Ирак и земјите од Персискиот Залив каде што се наоѓаат американски воени бази. Во нападите има жртви и предизвикана е материјална штета, како и нарушувања на глобалните пазари и авиосообраќајот.