Трамп најави дека на високи позиции во Белата куќа ќе именува четворца советници од изборната кампања

ВАШИНГТОН (АА) - Новоизбраниот американски претседател Доналд Трамп денес соопшти дека четворица клучни советници од неговата претседателска кампања ќе преземат високи позиции во неговата администрација, јавува Анадолу.

Трамп најави дека Ден Скавино ќе се врати во Белата куќа како помошник на претседателот и заменик шеф на Кабинетот; Стивен Милер ќе биде помошник на претседателот и заменик шеф на Кабинетот за политика, како и советник за домашна безбедност; Џејмс Блер ќе ја преземе функцијата помошник на претседателот и заменик шеф на Кабинетот за законодавни, политички и јавни прашања, додека Тејлор Будович ќе биде помошник на претседателот и заменик шеф на Кабинетот за комуникации и персонал.

„Ден, Стивен, Џејмс и Тејлор беа советници „најдобри во класата“ во мојата победничка кампања и знам дека чесно ќе му служат на американскиот народ во Белата куќа“, рече Трамп.

„Тие ќе продолжат да работат напорно за да ја направат Америка повторно голема во нивните нови улоги“.

Трамп победи на изборите одржани на 5 ноември обезбедувајќи 312 електорски гласови, надминувајќи ги 270-те потребни за победа. Тој ја победи својата противкандидатка од редот на демократите, актуелната потпретседателка Камала Харис.