Трамп: „Голем напредок во надминување на трговската криза меѓу САД и Кина“

ВАШИНГТОН (АА) - Претседателот на Соединетите Американски Држави (САД), Доналд Трамп, за време на телефонскиот разговор со кинескиот претседател Си Ѓинпинг, истакна дека е постигнат значаен напредок во фазата во врска со трговската криза меѓу двете земји, пренесува Anadolu Agency (AA).

„Реализирав долг и многу добар телефонски разговор со претседателот на Кина, Си. Договорот напредува многу добро. Во случај да се постигне, ќе биде мошне сеопфатен и ќе ги опфати сите прашања, области и спорни точки. Постигнат е голем напредок“, напиша Трамп на Твитер.

Трамп и Си, на нивната средба реализирана во рамки на Самитот на лидерите на Г20 одржан во Буенос Аирес, се согласија за 90-дневно примирје кое ќе го спречи влошувањето на трговската војна со нови тарифи, „војна“ која веќе извесно време трае меѓу овие две земји.

Ова примирје, кое, почнувајќи од 1 јануари наредната година, ќе ја одложи одлуката на администрацијата на Вашингтон за зголемување на царинските тарифи за кинеските производи во вредност од 200 милијарди долари, од 10 на 25 отсто, ги спречи двете страни да наметнат нови царински тарифи едни кон други.