Средба Ердоган - Макрон на Самитот на НАТО во Брисел

БРИСЕЛ (АА) - Турскиот претседател Реџеп Таип Ердоган се сретна со неговиот француски колега Емануел Макрон како дел од неговите билатерални разговори на вонредниот самит на лидерите на НАТО во Брисел, јавува Агенција Анадолија (АА).

Ердоган се очекува да оствари средба и со британскиот премиер Борис Џонсон, италијанскиот премиер Марио Драги, шпанскиот премиер Педро Санчез и естонската премиерка Каја Калас, по неговиот состанок зад затворени врати со Макрон во седиштето на НАТО.