Ömer Faruk Yıldız
31 Август 2022•Ажурирај: 01 Септември 2022
ЖЕНЕВА (АА) - Светската здравствена организација (СЗО) информира дека во Пакистан, 888 медицински установи низ целата земја се оштетени поради поплавите предизвикани од монсунските дождови, пренесува Агенција Анадолија (АА).
Во писменото соопштение од организацијата споделени се податоци за влијанието на поплавите врз здравствените услуги.
Се наведува дека поплавите оштетиле 888 болници, клиники и други видови медицински установи низ државата, а од нив 180 објекти се целосно неупотребливи.
Забележано е дека поради штетата во болниците и клиниките, милиони луѓе се лишени од здравствени услуги.
Се нагласува дека поплавите ги влошиле епидемиите на дијареја, треската денга, маларија, детската парализа и Ковид-19 кои веќе ја погодуваат земјата, а ризикот од епидемии е висок во областите каде што е оштетена инфраструктурата за снабдување со вода.
- „Ефектите од поплавата се пострашни од претходните години“ -
Ахмед ал Мандари, регионалниот директор на СЗО за Источен Медитеран, истакна дека штетите предизвикани од поплавите оваа година се пострашни од претходните години.
Мандари додаде дека СЗО започнала напори за да може да продолжат итните здравствени услуги во областите каде што поплавите се ефективни и каде што медицинските установи се оштетени.
Д-р Палита Махипала, претставник за Пакистан, исто така, наведувајќи дека се наоѓаат на терен за да ги ублажат негативните ефекти од поплавите врз здравствените услуги, нагласи: „Наш главен приоритет е обезбедување основни здравствени услуги за граѓаните во регионот погоден од поплавите, следење и спречување на ширењето на епидемијата.“
Од друга страна, Канцеларијата на Обединетите нации за координација и хуманитарни прашања (OCHA) започна кампања за помош од 160 милиони долари за Пакистан по катастрофата од поплавите.
Поради монсунските дождови кои се ефективни во Пакистан од 14 јуни, животот го загубија 1.162 лица, а 3.554 лица се повредени. Вкупно 33,4 милиони луѓе се погодени од поплавите.
