Beyza Binnur Dönmez
14 Ноември 2023•Ажурирај: 15 Ноември 2023
ЖЕНЕВА (АА) - Светската здравствена организација (СЗО) денес соопшти дека „најдобриот начин“ да се осигури безбедноста на пациентите, како и на цивилите кои се засолнуваат во болницата Ал-Шифа во Газа, не е евакуација, туку „прекин на непријателствата“, јавува Анадолу.
Одговарајќи на прашањето на Анадолу на прес-конференција на ОН во Женева, портпаролката на СЗО, Маргарет Харис, рече дека непријателствата треба да се прекинат заради „спасување животи, а не одземање животи“.
По наредбата на израелската Армија да се евакуира болницата, која е најголемата во Газа, Харис рече дека нема да биде возможно да се евакуираат 700 загрозени пациенти, нагласувајќи дека ќе биде „многу тешко“, дури и ако треба да се преселат, ако и кога болницата престане да работи поради недостатокот на гориво, што го имаат повеќето болници во Газа.
Таа истакна дека СЗО сè уште ја дефинира болницата Ал-Шифа како функционална болница поради „херојските напори“.
Конфликтот во Појасот Газа влезе во 40-тиот ден, најмалку 11.180 Палестинци се убиени, вклучувајќи над 7.700 жени и деца, а повеќе од 28.200 се повредени.
Илјадници згради, вклучувајќи болници, џамии и цркви, исто така се оштетени или уништени во немилосрдните воздушни и копнени напади на Израел врз опколената енклава од минатиот месец.
Во меѓувреме, бројот на загинати во Израел изнесува речиси 1.200, според официјалните бројки.
