Саудиска Арабија: Пресретнавме пет „непријателски“ беспилотни летала во близина на воздухопловната база „Принц Султан“

ИСТАНБУЛ (АА) - Саудиска Арабија денеска соопшти дека пет „непријателски“ беспилотни летала биле пресретнати и уништени во близина на воздухопловната база „Принц Султан“, јавува Анадолу.

Портпаролот на Министерството за одбрана, Турки ал-Малики, не даде информации за повредени лица или предизвикана материјална штета.

Саудиското Министерство за енергетика претходно соопшти дека остатоците од пресретнувањето на две беспилотни летала предизвикале ограничена штета во рафинеријата за нафта во Рас Танура на источниот брег на земјата.

Ова се случи откако САД и Израел започнаа голем напад врз Иран во саботата, при што се убиени неколку врвни ирански лидери, вклучувајќи го и врховниот лидер, ајатолахот Али Хаменеи.

Како одговор на тоа, Техеран возврати со напади со беспилотни летала и ракети насочени кон Израел, како и кон регионалните земји во кои се наоѓаат американски бази.