Vakkas Doğantekin
31 Август 2022•Ажурирај: 02 Септември 2022
АНКАРА (АА) - Командата за материјал на Армијата на САД ја приземји целата своја флота од хеликоптерите „Чинук“, произведени од „Боинг“, поради ризик од пожари на моторот, објави „Волстрит џурнал“ (The Wall Street Journal), јавува Агенција Анадолија (АА).
Американските власти кои дадоа изјави за весникот, изјавија дека околу 400 хеликоптери ЦХ-47 Чинук биле приземјени „од голема претпазливост“, откако неодамна се појавиле мал број пожари во моторот во некои од авионите кои не предизвикале некој да биде повреден или смртни случаи.
Основниот производ на Армијата на САД од 1960-тите, хеликоптерите, во суштина се користат за логистички цели.
Портпаролката на Армијата за „Волстрит џурнал“ изјави дека Армијата презема чекори за решавање на проблемот. „Боинг“ или „Ханивел“, производителот на мотори на хеликоптерите, не одговориле на прашањата, соопшти весникот.
„Чинук“ е хеликоптер со тандемски ротор кој е меѓу најтешките западни хеликоптери. Неговото име Чинук потекнува од домородните Американци Чинуки од државите Орегон и Вашингтон.
