САД: Трамп победи во сојузната држава Невада

ВАШИНГТОН (АА) - Новоизбраниот претседател на Соединетите Американски Држави (САД), Доналд Трамп, победи во Невада, една од седумте клучни „свинг“ сојузни држави, објави денес Асошиетед прес, јавува Анадолу.

Трамп обезбеди шест електорски гласови во западната сојузна држава. Тој, исто така, освои други клучни сојузни држави, вклучувајќи ги Северна Каролина, Џорџија, Пенсилванија, Висконсин и Мичиген. Исходот во југозападната држава Аризона сѐ уште не е познат.

Во средата, пред да ја додаде Невада на листата освоени клучни држави, Трамп веќе ги освои 270-те гласови на Електорскиот колеџ потребни за победа на американските претседателски избори.

Републиканскиот кандидат ја победи својата ривалка од редот на демократите, Камала Харис, во претседателската трката во вторникот, освојувајќи 295 гласови на Електорскиот колеџ и обезбедувајќи го своето место како 47-ми претседател на земјата. Харис има 226 електорски гласови.