Jeyhun Aliyev
11 Декември 2021•Ажурирај: 13 Декември 2021
АНКАРА (АА) - Американскиот Стејт департмент одобри продажба на четири воени бродови вредни 6,9 милијарди долари на Грција заедно со модернизација на фрегатата во вредност од 2,5 милијарди долари, јавува Агенција Анадолија (АА).
„2,5 милијарди долари ќе покријат и „можна странска воена продажба“ на Грција на модернизација на фрегата од класата МЕКО и поврзана опрема, додека другите 6,9 милијарди долари ќе бидат за купување на четири мултимисиски воени бродови и придружната опрема“, се вели во две одделни соопштенија.
Агенцијата за соработка во одбраната ја доставила вчера потребната сертификација, известувајќи го Конгресот за можната продажба.
„Оваа продажба ќе ги поддржи надворешнополитичките и националните безбедносни цели на САД помагајќи да се подобри безбедноста на НАТО-сојузникот, кој е важен партнер за политичката стабилност и економскиот напредок во Европа“, се вели во соопштението. „Продажбата ќе ја подобри способноста на Грција да одговори на сегашните и идни закани преку обезбедување ефективна борбена способност за заштита на поморските интереси и инфраструктура како поддршка на нејзината стратешка локација на јужното крило на НАТО.“
Агенцијата нагласи дека набавките ќе ја „зајакнат стабилноста и поморската безбедност“ во регионот на Источниот Медитеран и ќе придонесат за безбедносните и стратешките цели на НАТО и на САД.
„Грција придонесува за операциите на НАТО во Косово, како и за борбата против тероризмот и поморското пиратство. Грција нема да има потешкотии во однос на тоа во своите вооружени сили“, се додава во соопштението.
Се додава дека продажбата на опрема и поддршка „нема да ја измени основната воена рамнотежа во регионот“.
За реализирање на продажбата, релевантните комисии на американскиот Конгрес не треба да доставуваат приговори во временски период од 30 дена.
