САД запреа повеќе од 200 милиони долари помош за Палестина

ВАШИНГТОН (AA) – Соединетите Американски Држави (САД) во петокот ја допреа помошта од повеќе од 200 милиони долари за Палестина, по ревизијата што ја започна претседателот на САД, Доналд Трамп, пренесува Anadolu Agency (AA).

Одлуката ја потврди висок функционер на Стејт департментот, кој кажа дека средствата што првобитно се планирани за Западниот Брег и Појасот Газа наместо за таму ќе бидат искористени за „проекти од висок приоритет на други места“.

„На барање на претседателот Трамп, извршивме преглед на помошта од САД за Палестинската управа и Западниот брег и Појасот Газа за да осигураме дека тие средства се трошат во согласност со националните интереси на САД и ќе бидат во корист на даночните обврзници во САД“, рече функционерот.

Додаде дека како резултат на ревизијата е одлуката повеќе од 200 милиони долари да се пренасочат во Фондови за економска поддршка за фискалната 2017 година.

Трамп предизвика глобално лутење поради одлуката во декември минатата година да го признае Ерусалим (Кудс) за главен град на Израел. Тој потег ги загрози долгогодишните основи на израелско-палестинските мировни преговори, според кои статусот на градот би требало да биде одреден како завршен предмет на дебатата.

Палестинците ги одбија повиците на администрацијата на Трамп да се вратат на преговарачка маса, тврдејќи дека Вашингтон се откажал од статусот на неутрален посредник.