МОСКВА (АА) - Руските власти соопштија дека најмалку четири лица се повредени во голем украински напад со дронови во текот на ноќта, пренесува Анадолу.

Според соопштението на руското Министерство за одбрана, околу 170 украински дронови биле соборени над шест руски региони во текот на ноќта.

„Во текот на изминатата ноќ, 170 украински дронови од типот на авиони беа уништени и пресретнати од системите за противвоздушна одбрана од 22:00 до 05:00 часот (по московско време)“, соопшти Министерството.

Гувернерот на јужната Краснодарска Област, Венијамин Кондратиев, извести дека пристанишниот град Новоросијск претрпел најголема штета.

„Предизвикана е штета на три станбени згради. Како резултат на тоа, според прелиминарните информации, четири лица се повредени - двајца возрасни и две деца“, рече тој.

Оваа година, Украина изведе неколку големи напади со беспилотни летала врз Русија, од кои најголемиот беше во март, кога 343 беспилотни летала ја таргетираа Москва и нејзините предградија, при што загинаа најмалку три лица, а 17 беа повредени, и предизвика запирање на работењето на четирите аеродроми во руската престолнина.